နေပြည်တော် မတ် ၃၁
မွေးမြူရေး၊ရေလုပ်ငန်းနှင့် ကျေးလက်ဒေသဖွံ့ဖြိုးရေး ၀န်ကြီးဌာန
ပြည်ထောင်စုဝန်ကြီး ဦးအုန်းမြင့်သည် ကမ္ဘာ့ဘဏ်မှ Country Manager ဖြစ်သူ Mr. Kanthan Shankar နှင့်အဖွဲ့အား ယနေ့နံနက် (၁၀း၃၀) နာရီအချိန်တွင် ၀န်ကြီးရုံး ဧည့်ခန်းမ၌ တွေ့ဆုံခဲ့ပါသည်။ ယင်းသို့တွေ့ဆုံရာတွင် ကမ္ဘာ့ဘဏ်နှင့် ပူးပေါင်းဆောင်ရွက်လျက်ရှိသည့် လူထုအခြေပြု ဖွံ့ဖြိုးရေးအမျိုးသားစီမံကိန်း( CDD Project) ၏ ဒုတိယနှစ်တွင် အကောင်အထည်ဖော်မည့် မြို့နယ်များရွေးချယ်ရေးကိစ္စ၊ ကရင်ပြည်နယ်ရှိ မြို့နယ်များရွေးချယ်ရေး အစီအစဉ်အား စီမံကိန်းအကောင်အထည်ဖော်ရေး စံနှုန်းများနှင့်ကိုက်ညီစေမည့် စီမံကိန်းကာလ၏ တတိယနှစ်တွင် အကောင်အထည်ဖော်ရေးကိစ္စ၊ ယခုလာမည့်စီမံကိန်း ဒုတိယနှစ်တွင် ရန်ကုန်၊နေပြည်တော် နှင့် အခြားတိုင်းဒေသကြီး/ပြည်နယ်များရှိ မြို့နယ် (၆)မြို့နယ်အား အကောင်အထည်ဖော်ရေး ကိစ္စရပ်များ ဆွေးနွေးခဲ့ပါသည်။ အဆိုပါတွေ့ဆုံပွဲသို့ ပြည်ထောင်စုဝန်ကြီးနှင့်အတူ ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ် ဦးစိုးကိုကို နှင့် ဌာနဆိုင်ရာတာဝန်ရှိသူများ တက်ရောက်ကြပါသည်။
လူထုဗဟိုပြုစီမံကိန်းအား ပထမနှစ်(၂၀၁၃-၂၀၁၄) တွင် (၃)မြို့နယ်၊ ဒုတိယနှစ်(၂၀၁၄-၂၀၁၅)တွင် (၆)မြို့နယ်၊ တတိယနှစ်(၂၀၁၅-၂၀၁၆) တွင် (၆)မြို့နယ် ၊ ပြည်နယ်/တိုင်းဒေသကြီး (၁၄)ခုနှင့် နေပြည်တော်
ကောင်စီနယ်မြေအပါအ၀င် စုစုပေါင်း (၁၅)မြို့နယ်တွင် အကောင်အထည်
ဖော် ဆောင်ရွက်သွားမည်ဖြစ်ပါသည်။
0 comments:
Post a Comment